بطلوا ترفضوا شباب كويسين عشان خاطر ظروفهم المادية ضعيفة ..
بطلوا تظلموا ناس كويسة عشان مستوياتهم وعشانهم مش اد المقام ..
– الشاب اللي عنده 288 سنة وجاي يطلب ايد بنتك مفروض يبقي معاه الالفات والعربية والوظيفة اللي علي مستوي منين .. في ظروف البلد المهببة دي هايجيب منين الا لو كان اهله مساعدينه او حرامي ..
ملهاش حل تاني !
– اه مش عيب الاهل لو ربنا كارمهم يساعدوا ولادهم بس ده مش معناه اننا نظلم اللي اهله ظروفهم متسمحش بالمساعدة …
الراجل اللي تعب في القرش ومستناش مساعدة ولا واسطة احسن الف مرة من اللي اتولد وابوه فلان الفلاني اللي ساعده وجابله وعمله ..
اللي بيطلع السلم من اوله هو اكتر واحد هايعرف قيمة البنت اللي معاه ومش هايبهدلها ..
طبعا الكلام ده مش قاعدة لان في شباب اهله بيساعدوهم وكويسين وفي شباب بيعتمدوا علي نفسهم ومش كويسين .. بس بتكلم علي ان لسه فيه ناس بتفكر برجعية بطلت وجار عليها الزمن ..
الراجل ميعبوش غير تربيته واخلاقه .. مش الراجل بس البنت كمان ميعبهاش غير تربيتها واخلاقها .. انتوا اللي بتقسموا الناس لرتب ومستويات.
قال صلى الله عليه وسلم: ” إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير “
حضرة سيدنا رسول الله في الحديث الشريف قال من ترضون دينه واخلاقه .. يعني اللي بيتقي ربنا وعلي خلق ..
مقالش اللي مستواه الاجتماعي مناسب ليكم ولا اللي معاه فلوس تغنيكم .. خلصانة ✋ !!
✋ !!
