بقلم / خالد الترامسي
عاوز تاخد أعلي كومنتات وليكات حاجة من حاجتين إما إنك تشتم الريس هتلاقي البهوات البعدا الإخوان ومن علي شاكلتهم يثنون عليك ويعتبرونك بطلا مفوها وجبت الديب من ديله وإيه هتبقي كمان شرنبخ وديك البرابر ، ويمكن يجوزوك أربعة من البربر ما شاء الله عليهن حمالات أسية ويمكن كمان حمالات قطونيل الأستيك عمره ما بيرخي ، الحاجة التانية إنك تمجد في السيد الرئيس طبعا نفس الكتائب هتلعن سلسفين أبو الواحد ، أول متقول يا جماعة الرجل بيعمل إنجازات ومشروعات قومية مش بيعمل مهلبية ، علي طول الرد جاهز قومية إيه وشارع عروبة إيه يا روح أمك إللي جاي تتكلم عنهم ، دا السكر ب ١٤ جنيه ، طبعا الردود دي موجودة جاهزة في ال notes بتاعتهم ، وإيه نقل مسطرة هما لسة هيفكروا قاصدي لسة هيكتبوا لأنهم مبيفكروش أساسا ، أنا مؤدب مرضيتش أقول مبيفهموش ، متقولش الشعب الواحد فيه بيستهلك كل يوم ٥ كيلو سكر ، طيب دا كيلو السكر بيقعد عندي أسبوع ولا عشرة أيام وعلي علم إحنا أربعة شيل الواد عشان لسة نونو يبقي ٣ دا غير النمل طبعا بيشاركنا في أم الكيلو سكر ، مهو إيه اللي بيحصل أحيانا ننسي برطمان السكر مفتوح يقوم النمل هاجم علي شوية السكر شكرا يبقي إتعشت ، طيب هنعمل إيه ، هي مش من أم الخلق ولازم تعيش ، شوفتوا أنا رحيم بالنمل إزاي ، لكن البعدا مش رحماء بأنفسهم عاوزين يقلبوها عركة ، طيب مين الكسبان ،،،،،،،،،،،، ؟! .
طبعا هما معتقدين إن إللي بيقول الحق ويود الإستقرار وينشد التطلع إلي الرفاهية ، إنه منافق ومطبلاتي وبتاع مراجيح ، علي الرغم إن لو الوزن بالوزن هيبقوا هما إيه ؟! راقصات ؟! عوالم ؟! ، ولا الواد المخنس إللي بيسموه ” صبي عالمة ” ؟! أه الواد إللي بيحط أحمر وأخضر وألوان الطيف وحاطط صاجات في صوابعه وبيقول ” أه يا أبليتي ، يا كيداهم ، يا مشخرماهم بالأوي ” دا إنتوا خليتوا (جلوص الخر،،،،،، ولا بلاش الخروع ’) بتاعكوا نبي مرسل كان ناقص تخلوه إله ، ونطقوها حينما قالوا برابعة العدوية بأن الوحي يتنزل علي الأخ الأهبل بتاعهم .
عموما الريس ريسنا واللي مش عاجبه يحلق حواجبه ، أو علي رأي الست شويكار يحلق حواجبينوا .
