* * *(1)
ولسه الصبح متخبي
بينده له شعاع النور
ويفتح بالأمل يومنا
ويبعث فينا تانى الروح
* * *(2)
مهما كانت وحدتك بين الوجود
خلي صمودك قوتك واوعاك تخاف
وبلاش تطاطى للوجع وتكون ضعيف
العمرواحد ياجدع ونهايته دود
* * *(3)
أرسم لنفسك بحر وأتعلم فيه
يكون ف أخره شط ترسالك عليه
وبلاش تخاف م الغرق وتقولى ابصر ايه
رب الوجود لو وهب متقولش امته وليه
* * *(64)
مخنوق جوانا الكلام وضلوعنا ليه سجان
أيه فايدة أنك ترفرف بجناحك المكسور
كحل عنيك بالامل واهو كل شيئ بأوان
وتشق ثوب الظلام وتلمس ايديك النور
