حوار ياسر عامر
منه ممكن تعرفينا بنفسك من انتي؟ و كم عمرك؟ ومتى بدأتي مشوارك الغنائي؟
انا منة الله شريف
عمري عشر سنين ونص في الصف السادس الإبتدائي
وابتديت فى مدرستى اغنى لأمال ماهر “يا مصريين” وانا عندى سبع سنوات
المدرسين كانوا معجبين بصوتى وكلموا ماما انى لازم اكمل موهبتى
ايه المناسبات والحفلات التي شاركتي فيها ؟
انا غنيت في حفلات كتير وبرامج تيفزيونيه أيضا وقنوات بمدينة الإنتاج الإعلامي ومنها قنوات عربيه ليست مصرية فقط.
منة انتي شاركتي بالغناء في حفلات وطنيه ؟وايه شعورك ؟
انا بصفتي عضو في الأوبرا المصرية لازم احضر كل حفلة طبعا
انا اشتركت في حفلات الرئاسة في المناسبات القوميه وبكون سعيده جدا اني هشوف الرئيس السيسي ، وكل مرة بتمني اتي اسلم عليه وبقول ساعتها لنفسي ” أسيب المسرح وانزل اسلم عليه بس معرفتش خالص من شدة الأمن عليه وفعلا هم لازم يخلوا بالهم منه أوي”
واثناء بروفاتي قابلت وزير الشياب والرياضة واتصورت معاه وكنت فرحانه جدا.
هل تفكري بالعمل في مجال التمثيل ؟ ام ستكتفي بالغناء؟
ايوه فعلا انا احب الفن عامة غناء تمثيل استعراض وحاليا انا أؤدي دور بنت فقيرة بطلة الفيلم وهي صغيرة ووالدها “تربي” بتكرهه عشان الحياة السيئة الي كان معيشها فيها وهي كانت تمتلك عزة نفس وما بتقبلش صدقه من حد رغم حياتها القاسية وبتبعد عن اي حاجه تجرحها
والفيلم اخراج المخرج “أنور عبد الحميد” والمؤلف ” هشام موافي” وده يعتبر سبق للموقع لاني مصرحتش لاي موقع اخر ومش هكمل عشان محرقش الفيلم.
ياتري ايه طموحاتك عاوزه توصلي لفين؟
طموحاتى انى اكمل فى الفن واوصل لأكون فنانه كبيره ومحبوبه
ياتري هتكمل دراستك في مجال الفن ام في اي مجال ؟
ايوه دى امنية حياتى ادخل اى فن يساعدنى فى وصولى لأخر مرحله فنيه
هل انتي من اسرة فنيه ؟
ايوه بابا صوته جميل بس مدخلش فى الفن خالص ومامتى فنانه فى رسم لوح جميله
ما موقف الاسرة من فنك ؟
الأسره كلها بتساعدنى زى بابا بيشجعنى ويوجهنى للصح ومامتى تعبت معايا بجد فى بروفاتى وحفلاتى مش بتسبنى لوحدى
هل زملائك واصدقائك يشجعوكي ؟ ام يشعرون بالغيرة منك؟
لاء بيشجعونى اوى وبيحبونى اوى اوى
ياتري شايفه نفسك ممكن تكوني زي مين ؟
انا بتمنى اكون زى سعاد حسنى
مين قدوتك في مجال الغناء ؟
معنديش حد قدوتى فى مجال الفن
من هو مثلك الاعلي عامة ؟
مثلى الاعلى والدي حبيبى
هل ستدخلين مجال الاعلانات ؟ وما رايك في هذا المجال ؟
لاء مش بحب الاعلانات لان ده هدف تانى
منة انتي برج الجدي وده من صفاته انه برج عملي واخر ما يفكر به هو العاطفة فهل في المستقبل هترتبطين من الوسط الفني ؟ ام لا تفضلي ذلك ؟
لسه سنى مفكرش غير فى الفن بس
من هم النجوم التي التقيتي بهم ؟ ومن شجعك منهم ؟
الفنان ايمان البحر درويش بحبه جدا وشجعنى بوجودى فى الاوبرا المصريه دائما واتعلم فيها كثير
وقابلت الفنان مصطفى قمر والفنانه ساره سلامه ووزير الشباب شجعونى على ممارسة الفن
والفنان مدحت صالح قابلته كتير وكلهم شجعونى لازم اكمل
هل هناك من نصحك بالبعد عن الفن ؟
مفيش حد قالى تبعدى خالص
من هو نجمك المفضل في مجال الغناء – التمثيل- تاليف الاغاني- التلحين- السياسة؟
نجمى المفضل فى الغناء الشحروره صباح
والتمثيل سعاد حسنى
وتأليف الاغانى وتلحينها حلمى بكر لانه رجل عظيم
السياسه مش بحب اتكلم فيها لكن بحب وطنى ورئيسى السيسى
هل تخضين موهبتك للتدريب ؟ ام تعتمدي على الموهبة فقط؟ وهل تفكرين في اصقالها بالدراسة؟
تدريبات فى الاوبرا فقط مع موهبتى
وبحاول اوفق مابينها وبين الدراسه
هل تفكري في احتراف الفن ؟ ام تفكري في عمل اساسي وتعتبري الفن موهبة فقط ؟
الفن موهبه وعمل فى نفس الوقت
ما رايك فيما يدور حولك من احداث على الساحه السياسية ؟
انا بتمنى ان بلدى تكون احسن وافضل من كده ويصبروا شويه مقدرش اقول حاجه تانى لأنى مش بفهم فى السياسه
ما هي النصيحه التي توجهينها لجيلك ومن يمتلك موهبة منهم ؟
بقولهم لو اى حد عنده موهبه لازم ينميها
كلمة توجهيها لعائلتك وجمهورك ؟
لعائلتى ربنا يخليكوا ليه
ولجمهورى انا بحبكوا اوى واتمنى تفضلوا تحبونى وتشجعونى على طول واعتذر لأى حد مش برد عليه اعذرونى علشان انتوا سبب نجاحى.
