باعوني على ارض 

باعوني على ارض
الواقع
وخانوني في
الأحلام
قتلوا الطموح جوايا 
وبقيت مش عارف
انام.
حتى براح شوارعهم
دوكنة مليانة ظلام
وضباب ظلم فظيع
وندالة في عدالة
مش موجودة وغياب.
للاحترام.
ارض الواقع جحيم
وحلمك وهم عظيم
وموتك حقيقة مؤكدة
ولابد م الاستسلام
باعوني على ارض الواقع
وخانوني في الأحلام.
الكل من حواليك
عمال يصدر ليك
طاقات سلبية.
حتى لو كرموك
بالتكريم بيذللوك و
يتاجر بالقضية.
قوم وفوق ميهمكش
اصرخ اغضب
واوعى الخوف يخوفك
احلم ماتخفش.
اسرح بخيالك وابدع
واقعك
واياك احباط محبط، ينزلك
ويوقعك.
هتكون لو كنت عايز
لو كنت عايز تكون
ياريت لو يتهموك
بالكفر او بالجنون.
خليك.صاخب في
صمتك
حابب للسكون.
وبكرة هيكون اكيد
مش جايز او احتمال
وهتتبدل احوالك من
حال لغير الحال.
هتمشي لو كنت عايز
هترفض تبقى عاجز
وشلوت عكازك هيكون
خطوة للأمام.
باعونا على ارض الواقع
وخانونا في الأحلام.
…..