بقلم / الشاعرة دعاء النمر
انت الجريح في الارض
شايف عيون السما
والجرح طال انما
املك تحلق يوم
انت اللي صابك كان
عشت الحياه موهوم
علي سطر سايب سطر
كترت في المسافات
وفتحت باب لحاجات
تتمشي في ضلوعك
فكرت ليه في عتاب
وسألت مين خانك
و الدق ع الابواب
قطع في شريانك
والفايدة ايه دلوقت
شكل الحروف اتهز
والصورة مش كامله
ابيات كتير نقصت
في ضلوعك الأيله
تتمني ايه او. ليه
والظلم كان طايلك
كل اللي امن بيك
ف الصورة كان سايبك
لو كنت يوم ركزت
وخرجت من جهلك
ماكنت يوم بروزت
غير صورة مع اهلك
