هانعمل ايه لو العمر ضاع واحنا عايشينه مليان اوجاع مش هاينفعنا مال ولا جاه لازم مسحراتى لتصحيح الأوضاع وعجبي بادق ع البيبان باصرخ وبا…هاتى ياهو خلو بالكو م الحاضر وم الأتى دنيتنا بتضيع والأخرة كمان معاها كل شوية عايزين للضمير مسحراتى وعجبي كان ليا مع الزمان حكاية ورواية ظلمت نفسي كتير بجهل وغواية صحى الضمير وانا نايم ف أوحالى مسحراتى يوضينى ويقولّى كفاية وعجبي مسحراتى منقراتى لكل صغير وكبير جاي احذركم فى أمر صعب وخطير شفتوا كتير من ألوان البلاء والغلاء مش ها ينجيكم غير صحيان الضمير وعجبي تلاتين ليلة أدق ع الطبلة وأقول رمضان فرصة لنضافة العقول بيجي وينتهى من غير مانتغير زي العمر بيخلص على طول وعجبي
ليالى العمر زيها زي ليالى رمضان ماينفعش نعيشها من غير قرآن دستور ينظم حياتنا ويحييها وتبقى البركة ف العمل والإيمان وعجبي مسحراتى وأجيكم كل ساعة ويوم مافيش احلى من الاستقامة وياالصوم نصوم عن الحرام ونفطر على الحلال ولانعملش غير الخير.. هو اللى بيدوم
