مني أبو غالي
ناشد طلاب قسم (البترول) بمدرسة صالح عوض الله الفنيه المتقدمه نظام الخمس سنوات براس غارب البحر الأحمر
موجهين حديثهم الي وزير التربيه والتعليم طارق شوقي قائلين
احنا القسم الوحيد في الجمهوريه المرتبط بدراسة البترول
الامتحانات تكون الأسئلة متكرره كل سنه
مع تغيير بسيط في صيغة السؤال مع التغير ف سؤال او اتنان بالكثير
جميعنا درسنا المناهج المقرره كويس جدا
وبنراجعها من شهر ١٠ مع العلم ان امتحانات الدبلومات من سنة ٢٠١٤ الي ٢٠١٨ متشابه جدا
لامتحانات بالنسبه لنا محفوظة عن ظهر قلب جميعنا بندرس ونحفظ من نفس الملازم وحفظناها حفظ بمعنى الكلمة
وامتحان ٢٠١٩ المقرر علينا مطابق للامتحانات السابقه مع تبديل الاسئله
طبيعي جدا ان الإجابات تكون متطابقه لأننا حافظين السؤال بالإجابه
مش ذنبنا اننا اجتهدنا علشان ندخل كلية الهندسه
او اجتهدنا علشان متغربين اديلنا 5 سنين
علشان نحقق احلامنا ونفرح الناس اللي حوالينا
اهالينا واصحابنا
مع العلم ان كل سنه بتبقى درجات قسم البترول عاليه وبيدخلو هندسه كلهم
لان القسم ده معروف بالتميز وانه بيقبل
من ٢٦٠ واعلي من طلاب الشهاده الإعداديه
طبيعي طبعا ان جميع الطلبه تكون مجتهده ودرجاتها عاليه
وازاي حضرتك قدرت تثبت الغش الجماعي على قسم واحد فقط من اصل ٤ أقسام داخل المدرسه
مع العلم ان لا يوجد محاضر غش او اي نوع من أساليب الغش داخل اللجان
مع العلم ان يوجد طالبان من داخل المدرسه قسم (التعليم المذدوج ) اوائل جمهوريه بمجموع ٩٨.١٪
يبقي حضرتك لو حصل غش جماعي يبقى مدرسه مش قسم
وحضرتك مقدرتش تثبت الغش الجماعي ف باقي الأقسام
مع العلم انهم نفس المراقبين الافاضل
علي كل الأقسام
يبقي ازاي غش جماعي ف قسم واحد بس
يامعالي الوزير
احنا مش طالبين اكتر من حقنا
عايزين نحقق حلمنا
على الاقل فرحه تعوض تعب ٥ سنين تعليم
قسم البترول (راس غارب)
مرفق بالخبر صور من الشكاوي التي تم ارسالها الي وزارة التربية والتعليم من خلال محامي الطلبه. ونتمني اعادة النظر فيما تم تقديمه
حتي لا يضيع مستقبل الطلبه
اذا كان لهم حقوق فليحصلوا عليها
