هغني ليكي…بقلم محمد العايدي

وف عينيكي هقول اشعار

هقول بحبك مش باللسان

هقولها بروحي وقلبي كمان

هقولها طالعة م الوجدان.

معاكي بكون راجل محظوظ

معاكي بكون أسعد إنسان

هغني واقول اشعار منثورة

هكسر بيها حاجز الخوف واعلن

مشاعري المحظورة.. هقول بجرأة

عاشق بحب ونفسي اني ابوس شفايفك و

أحس حضنك ولو بعيدة كإني شايفك

والمس جبينك وأكون معاكي لو مش

معاكي راح اكون شمالك راح اكون يمينك

وبحبي ليكي راح أمشي ليكي واسند عليكي

لو كنتي حتى مابتمشيش.

وعشان تعيشي فداكي روحي

وتعيشي انتي ومش مهم إني أعيش

..تعيشي فرحة واعيش احبك

وأبوس ايديكي. يا للحن عمري لو انسي نفسي

انا مانساكيش ومهمة يجرى لو أيه

يابكرة هتعيشي جوة ف قلبي فكرة

مقدرش ابدا اكون ناسيكي هغني ليكي.

هغني ليكي ومش ناسيكي.