كفايا عليا احبك.
واستبعد الخوف
معاكي
شايل في عينية
حبك
وبتنفس هواكي.
بس بلاش كلام
وكفايانا حسبة
ونسبة
الحب والغرام
بيواسونا جوة
غربة
انتي كنز الحياة.
والكنز هو قلبك.
كفاية عليا أحبك.
ولا كلمة راح توصفك
ولا سرقة حزن ف يوم
تقدر تقطفك.
انتي وردة حياتي
عمرها ف يوم ما تدبل
برويها من أملي فيكي
منغير روحي ما تسأل.
مافيش حب يقدر
يحب زي حبك او قلب
بين القلوب
يساوي عندي قلبك.
كفاية عليا أحبك.
…
الحب شيء جميل
والعشق حاجة تانية
وبحبي ليكي يا عمري
حسيت العشق في
ثانية.
اتطور الغرام وفاق
كل الكلام
وياكي انتي وبس
حسيت بالاحترام.
شايف الكون بعينيكي
وشايفاه بعيوني.
حبيت الدهشة فيكي
وحبيتي جنوني.
والحب يعني ايه؟
غير أعقل الجنون
عيون تسرق النوم
وتسهر الجفون.
نفسي اكمل معاكي
ادوك بشفايفي شهدك
لو كنت بعيد عنك
بروحي بشاهدك.
شايف كل تفاصيلك
عاجز عن رؤية غيرك
حاسس بروحي معاكي
وقلبي جوة قلبك.
كفاية عليا أحبك
واستبعد الخوف معاكي
شايل في عينية حبك
وبتنفس هواكي..
بقلم / محمد العايدى