لـ يوسف محمود
قوليلها شكرآ ع السؤال
وان انا لسه بخير
وصليها مني السلام
وطمنيها بكلمتين
قوليلها مثلآ
اني عايش بين صحابي
وأنه بمبي لون حياتي
قوليلها مش زعلان
واني بدعيلها ليلالتي
اوعي يبان الكدب ف كلامك
وتحس هي ب الحقيقه
انا مستعد اني اموت
ولا انها تتعب دقيقه
وأبقي تعالى وطمنيني عليها
واحكيلي هي عامله اي وياه
مبسوطه ولا ضحكتها
انكسرت بعد مني معاه
نفسي اقوله خلي بالك منها
ياللي قسمتك ونصيبك
اغلى حاجه بحبها
وان قلبي بين ايديه
وحلم عمري
الواقع اللي انت فيه
بس انتي بلغيه
ياخد باله منها
وأنه لو لف الدنيا بحالها
مش حيلاقي ضفرها
الله يسامحك يا نصيب
كسرت قلبي وقلبها .
