تخاريف عاشق

انا قلبي من جوة اتوجع ومعلم مليون علامه

وعيوني من الدموع شافت بُدع وعلي الفرح يلا السلامة

انا نِفسي نَفسي تنسي احزاني وارجع زي طفل مايعرفش غيرالفرح والابتسامة

الهم جوايا اتعصر والحزن زي النفس لكن محال انكسر

رافع انا راسي وللحزن انا مرحب

والجرح شي عادي الفين تحيه وتلتميه مرحب

ايه يعني هحزن شويه وبكرة مسيري هضحك

اكيد الدمع مالي عنيه لكن حاطط املي في ربنا والي بيتامل في الكريم يكسب

انا نِفسي نَفسي تكون قويه واحمي انا نَفسي من غدر الزمن

اية يعني تبكي عيوني علي الحاضر واللي كان

هتفيد بايه احزان زمن او حزن دلوقتي

وهيحصل اية افرحلي لحظة وسنين عيوني تبكي

مش بعتبك عليك يازمن ولا عاتب علي نَفسي

ولا هاعتب علي الي خان واتكسرت من بعدهُ نفسي

انا بعتب علي قلبي الي رماني في بحرالعشق والعشق جراحو تقتل وقتلت ياناس نَفسي

كان نِفسي نَفسي تترسم قيها ابتسامه

والموت سبقني وعلم جواها اسواء علامه