كلمات وليد الدمنهوري
وكل ما اتصور صورة
بشوف نفسي واحد تاني
الاقي الضحكة مكسورة
وضحكتي مش عجباني
يقولولي لية مبتضحكشي
وانا مش عارف السبب
حتي قلبي مبيفرحشي
انا انسان فيا العجب
هحاول اضحك واللهي
واحارب كل احزاني
وهرجع تاني افراحي
عشان خاطركم وعشاني
حياتنا لية بقت عقيمة
والاحزان بقت كتيرة
وحياتنا مالهاش قيمة
وفرحتنا بقت اسيرة
هقول يارب وهعافر
وهصنع فرحتي بنفسي
ومستعد اني اسافر
بروحي وقلبي مش بجسمي
هخلق لنفسي فرح جديد
وهبعد عن الاحزان
هجمد قلبي وهبقي عنيد
وممكن اغير العنوان
عشان احزاني تتوة مني
انا واللهي انسان
انا واللهي انسان
