مصربتبكي – بقلمي لطفي علي حسن

وبدلت دموعي بالدم ولا حد كاسر عيني

بايدك قطعت لساني ولِساني حضناك

وربط بايدك شفايفي وفوداني تقول انا كلي فِداك

هيفيد بايه هتاف وانا قلبي من جوه اتكسر

هيفيد بايه لم يسالوك انت منين ترد تقول من مصر

هيفيد بايه كلامك وانا قلبي من افعالك بيتحسر

وعدتني بالعمار ومشفتش غير خراب

وكل مايتبني بيت بلاقيه اتحول كوم تراب

انا مش وهم ولا انت سراب

شيفاك بعيني وشيلاك في قلبي وهديتلك من نبع الخلود عطري

لاجل ما تزرع ورده وحبة قمح

لاجل ما تاكل من خيري وتحميني

واهو جه اليوم الي بايدك تكسر قلبي وتمحيني

امحي ضميرك واكسر قلبي

لكن صعب تموت حبي

عيشالك في تاريخك يابني وبامجادك يفضل اسمي

انت المصري واصلك مني

ومفيش غيرك يابني فاضلي يكسر حزني ويحمل همي