رمضان من خلال الشاشات.. وما تعرضه… قصيدة تفاهة….

كتب محمد العايدى

تفاهة سخافة

سفالة رزالة فن

هابط بدون رسالة 💌

تجارة فكر بدون منطق

ومقاولات وعمالة..

برامج تافهة وحقائق هبلة

وكدب في كدب واشتغالة

تفاهة سفالة رزالة..

برامج دين مافيهاش غير

دعوة صريحة لسب الدين.

وشيوخ خدام لجزم وبيادة

حكام مناظر زبالة..

مناظر زبالة 😴…..

برامج طبخ. والطبخة

حمضانة. والفاظ بزيئة

ونسوات عريانة..

بقينا تايهين ومش عارفين

نرفض! بلدنا ولا نقول كفاية

إنها رفضانة..!.

اعلام عار… ومشايخ

كفار. وشاشات مهللة

واحديث مضللة.

والكل ناسي حقيقة الفكرة من

رمضان ومستهبلة..

خيم رمضان لهواة السهر وقتل

الوقت والمسخرة.. وبنات ومزيعات

وقت الصيام رسمة عيونها بالماسكرة

وجونيلات خليعة ومناظر شنيعة وشرب

لكل المواد المسكرة.

قبل رمضان غلاء أسعار ودعوة صريحة

للنهب.. ودخول النار.

اتحرمنا من الزبيب ومن الخشاف

وبعد ما هل هلاله نلاقي بنات بحجاب

شفاف! …

واللي ماشافش الفستق يشوف الترمس

كإن عمر ف حياته ماشاف..

شهر رمضان شهر نزول الحق. يبق

أحق نعرض فيه نماذج حق.

رمضان مش شهر المحاشي و

الطواجن خاصة في ظل ارتفاع أسعار

الدواجن..

رمضان شهر عبادة وطاقة نور مش عرض

لأشهي المأكولات.. وتضيع الوقت في

الفرجة ع المسلسلات..

نلاقي ولادنا بيسمعوا وبيتجرعوا ويرددوا

ويطبقوا بالعمل فعل البذائات..

مش محتاج اقول وأعيد رمضان شهر

الرحمة بالعبادات..

إحنا ليه؟ وعشان ايه؟ . جعلناه شهر

أسوأ العادات !؟ 😔….

تفاهة سخافة سفالة رزالة

مهزلة..

اعلام هابط وفن ساقط وهي دي

الحقيقة وإلا فلا…

وإلا فلا……