تحت اقدامها تلاقيها

الشاعر : ياسر التونى

عارفة ياامى لماتيجى
تقومى (والاه) تخنقيها
بين ضلوعك وبحنانك
لــ1000 ضحكة تحوّليها
شوف ياواد العضمة كبرت
راحت الصحة وماضيها
فين زمان امك ياياسر
لماكان الحيل حاميها
كنت ست البيت بيحلف
انه ساكن هو فيها
بس مهما العمر يجرى
نظرة ليكو مايساويها
الف عمر يضيع عشانكو
انتو عين اناشايفة بيها
الشباب مش بس ولى
لأْ ..سهام الشيب راميها
بس مهما الوردة دبلت
برضه أصل العطر فيها
يكفى انك ياحبيبتى
ام ذاكرها باريها
ف الكتاب وكمان موصى
اشرف الخلق ونبيها
حتى ياامى الشعر قال لى
جاى بالشعر تهاديها
روح بعيد والعب ياشاطر
شعر ايه اللى يوافيها
دانت لو عمرك وهبته
طلقة واحدة مايساويها
عاوز الجنة ونعيمها
تحت اقدامها تلاقيها