العيد فرحة

[highlight]

بقلم .محمد العايدى

العيد فرحة..

العيد فرحة فكرة

أمل راح تكتمل في

وشوش سارحه.

العيد فرحة…

العيد مش أكل

وكحك ولا بسكويت

ولا بومب واكلة كشري

وناس بتزيط.

العيد أمل وفرحة صلاه

بالتكبير راح تلقاه بدعوة

مستجابة على احزاب وناس

ديابه ووعد ربنا بنصرنا

على الطيور الجارحة..

العيد فرحة….

العيد يعني حاجه جميله

نتمني لو تعود تاني.. وتتكرر

تاني..

تنسينا تعب العام ومين اللي

بقى ورا ومين قدام. وعزومة

جميلة وصلة أرحام. وقعدة

عيلة فيها. امي وامك واختي

واختك والمدام..

وعيالنا بيلعبوا من حوالينا

ولا حسين بشقاوتهم ولا

حسين هم بينا.

بعد العيدية وبوسة خد

على الصبحية في وشوش

سمحة .

العيد فرحة…

في العيد بنقعد نفتكر في

ناس كانوا حوالينا وراحوا.

ونعيد ونزيد في ذكرياتهم

ويانا وازاي كانوا.. وازاي

بعدوا عن دنيانا وارتاحوا.

العيد زي دوا للجسم راقد

حزين  بيعاني من

القرحة…

العيد فرحة