كتب جابر ابوطبه
معتقل الحياه
وده اتكتبلي فيه عمر
عمري مكنت بتمناه
فكر متكلبش بين اربع جدران
مفهوش حتي اي ظل
يخليني اقدر اعبر منه ع الوجدان
افهمواا بقا ؟؟
دانا برضي انسان
يمكن يكون الاحساس
ده نعمه من عند ربنا
بس بيتحول جحيم
لما يبقي زايد
عند ناس زينا
الناس الي مالهاش غير ربنا
تترمي فيه..
تتحامي بيه..
تشكيله الهم
من الي عملته الناس فيه
معتقل الحياه
ومفهوش غير روحي
العايشه جواه
مات فيه بالحيا
الجسد الي بناه
معتقل الحياه وده عباره عن :
شويه استفزاز من اقرب ناس ليك
ع حبيب روحك متعلقه بيه
وهو ناسيك
ع شويه صحاااب
فيهم الي ماشي معاك مصلحه
وفيهم الي بيحبك وميستغناش عنك
زي العسل ويا الجلاااب
ع حبيب خان
ومن وقتها روحي مولعه
نار من غير دخان
معتقل الحياه
وده اتكتبلي فيه كل حاجه
اعيشها باالاكراه
تعليم باالاكراه
حب باالاكراه
حياه باالاكراه
عمل باالاكراه
ومفيش بايدينا شيء نقدر نقوله
غير ارحمنا ياالله
معتقل الحياه.
شعر /حنا عادل النجار
عضو نادي الشعر والادب
