يابحر ياواخد كل اسرارى – بقلم :أمل خفاجى

معاك برتاح واقول كل الى فى بالى

اوجاعى واحزانى وكمان افراحى

تخدنى سنين و سنين تودينى

واجى عندك اقول تانى

يا بحر ملوش قرار برمى سرى فى احضانك

رويت عطشى وسر دمعتى تحفظها فى اعماقك

تريحنى وتبعدنى وتعيشنى فى عالم تانى

بتسمعنى وتهمس لى واعيش معاك احلامك

بافراحك ونسماتك

وكما معاك اقول احلى اشعارى

تيجى موجة اوشوشها وتروح موجة با سرارى

وكمان اصدافك تسمعنى وتروح ترمى فى احضانك

وتخرج الموجة تتمرجح وتقولى يلا نحكى من تانى

يا اوفى صديق وقت الضيق

يا بحر ياواخد كل اسرارى