كتب جابر ابوطبه
قفل مصدي تحت التراب
ده حاجز حته مني
ده يامه عايشني ف عذاب
لسه صوت المزيكا بيضرب ف وداني
لسه صرخه الروح مش سيباني
لسه الفراق بيقتل فيا
لسه التراب معلم ف الجلابيه
لسه صدا القفل معلم ف ايديا
مين فينا مالهوش احباب
اتحطوا جوة التابوت
مين فينا هيقدر ينساهم لحد ميموت
مين فينا يقدر ينسي بصمت صوتهم
مين فينا كان كاره وجودهم
مين فينا لساه بيشم ريحتهم ف هدومهم
ولا نسيت دمعتك عليهم
وانت بتصلي
ولا زيارتهم ليك ف المنام
زيارتهم ف الاحلام
عباره عن جرعه اكسجين
بتصبرك ع الحنين
كانوا الضحه الجميله
كانوا الي لامين العيله
ده وجودهم كان بيكملني
علشان انا منهم وهما مني
بس هما دلوقتي بعيد عني
وانا عايش ف الحياه برسمه ابتسامه
كداابه….
ومداريه وراها حزن يامه
ومهما غيابهم يعدي عليه سنين
تحت التراب
هتفضل ذكراهم احلا ما ف الوجود
اصل كان يامه بينا وبينهم وعوود
بنقش ايدهم ع الباب
باثر كفنهم تحت التراب
(تحت التراب)
شعر/ حنا عادل النجار
