محافظ البحر الأحمر اللواء أركان حرب /أحمد عبد الله يزور مستشفى 57357 و يرافقه فى الزياره مديري الإدارات التعليمية بالبحر الأحمر وأعضاء مجلس أمناء المحافظة ومجموعة من الطلاب.
وقد اشاد اللواء / أحمد عبد الله بالدور العظيم الذى تقدمه مستشفى سرطان الاطفال 57357 فى علاج اطفال أصابهم هذا المرض اللعين .
وقال فى كلمته داخل قاعة مؤتمرات المستشفى “النهاردة احنا جايين وحاملين رسالة شكر وتقدير على كل اللي بتقدموه وانتم مش بس ترسمون البسمة على وشوش الأطفال المرضى انتم ترسموها على وشوش الاف العائلات المصريه التى أصاب أبناءها هذا المرض ، لقد قدمتم للعالم رسالة أثبتت ان المصريين قادرين على النجاح،
ومعني ان 57357 بتقدم خدمة طبية بأعلى جودة بشهادة كل الجامعات العالمية هذا يدل على ان دي سيمفونية نجاح شارك فيها أبناء هذا الوطن المخلصين .
57357 رحلة عطاء ان شاء الله هتكبر وتستمر بدعمنا كلنا ليها، لو كل واحد فكر لو للحظة لو المؤسسة دي مش موجودة هيبقى حال أطفال مصر وأسرها ايه ؟
والنهاردة احنا قطعنا مئات الكيلومترات علشان نشوف أطفالنا ونقف معاهم في رحلتهم وده شئ بسيط مقارنة بألاف الأميال من الجهد والعمل والمثابرة والتعلم اللي انتم قطعتوها علشان كده بنقولكم احنا معاكم ايدينا في ايد بعض علشان الحلم لسه منتهاش وسقفنا مالوش حدود وطموحتنا عالية وحلمنا كبير”.
