شعر … رمزي دحرج
شيخ البلد يا حاميها
انت اصلا حراميها
ناهب خيرها و اراضيها
ازاي بقي تبقي حاميها
شيخ البلد يا حرامي
بتقول علي نفسك عصامي
جبت العصمه دي منين
و انت طويل الايدين
و عمال تسرق في ارضي
و كمان هتكت عرضي
يا حرامي الاراضي
ابعد عني و انا راضي
و سيبني بقي انا في حالي
دا نا حالي ماهو حالي
ارفعوا ايديكو عني شويه
و كفايه سرقه بقي في ارضي
علشان اعرف ازرع قمحي
يا حرامية الاراضي
ربي عليكوا ماهو راضي
انت فين يا قانون
و فين حق المظلوم
انت فين يا ضمير
وللا انت محتاج لضمير
ايوه انت محتاج لضمير
و كلامي ليك يا مشرع
ياللي في المجلس بتشرع
قوانين للحراميه
و يا سلااااااااا م
علي نقابة الفلاحين
دي ملجأ للتعابين
الحراميه الهباشين
للكيماوي ….
….. و التقاوي
………….. و الاراضي
لكل دول سارقين
يا عيني عليك يا فلاح
يا مسكين
يا قلبي عليكي يا مصر
سرقوكي في عز الضهر
و هي الشمس طالعه
ماخافوش م النار الوالعه
اعدت للمجرمين
نار وقودها الناس و الحجاره
جاهزه عند رب العالمين
رمزي دحرج
