بقلمي /لطفي علي حسن
انا المصري اول ماكتب القلم كتب ياناس اسمي
انا المصري عايش علي الهامش مش لاقي ليه اسمي
انا المصري بايدي ازرع زرعتي وغيري يحصد فرحتي
لوخيروني بينك يابلدي وبين الموت هختارك انتي
انا من ترابك ومن نيلك
ووقت الشده جنبك ووقت الفرح وحدي بغنيلك
انا عاتب بس علي الي من ترابك اتبني وارتوي من نيلك
عاتب عليه ازاي يكون منك وينكر فضلك وخيرك
وازاي تهديله الحياه ويسرق فرحتك ويهديكي الاهانه
وازاي اكون غريب فيكي يابلدي لو جرحي نزف وطلبت اطيب
يطردوني من غير دوه
ازاي وانا الي بايدي ومن دمي باني اساس مستشفياتك
وازاي يطردوني ومش شايف منك غير سكاتك
يابلدي مش عايز اعيش فيكي
وعلي باب الاطبا جهزو كفني وحضرو دفنتي
مش قادر اتحمل جرحي وغربتي
