..
بقلم/ محمود بيومي
سلم بقلبك مَش إيديك
خلي السلام احساس وبس
كفاية نظرة من عينيك
أو ابتسامة بشوق وحس
مَش معنى أنى مش بشوفك
ابقى ناسي او بعيد
أبداً دَنا قريب بروحي
وانت غالي ده الاكيد
مغصوب اكون قاعد في بيتي
وانت تكون قافل عليك
ماهو ده عشان نحفظ حياتنا
وناس كتير محتاجة ليك
ايه يعني لو كل الشوارع
تبقى فاضية مننا
أو إننا منزرش بعض
ماهو ده عشانا كلنا
ايّام وهتعدي اكيد
وهنفتكرها ونبتسم
من بعد خوفنا والدموع
هنلاقي بسمة بتترسم
نرجع نعيش اجمل حياة
وسعادة تملا الدنيا ورد
بس احنا نستحمل يومين
ونصون حياتنا بكل جد
ندعي لملايكة ببالطو ابيض
واحنا آمنين في البيوت
وهما عايشين في الخطر
وبيمنعوا الملايين تموت
سلم بقلبك مَش إيديك
خلي السلام احساس وبس
كفاية نظرة من عينيك
أو ابتسامة بشوق وحس
