الاحجار الكريمة لها رونق خاص وتتميز بالنقاء والصفاء فاتنة ساحرة تسر الناظرين وتأخذ العيون عند النظر اليها وصفة الجمال فى الاحجار الكريمة تحددها مجموعة من الخصائص مثل اللون والبريق والشفافية فالاحجار الكريمة هى نوع من المعادن النادرة تشكلت منذ ملايين السنين فى باطن الأرض وتتكون هذه المعادن من مادة تسمى السيليكا وهناك العديد من أنواع الأحجار الكريمة إذا يبلغ عددها لما يقارب أربعة الاف نوع وهذه الأحجار منها ما هو نفيس أو نصف نفيس ويتحدد ذلك بالاعتماد على مكوناتها الفيزيائية والكيميائية الى جانب الظروف الطبيعية التى تكونت فيها هذه الاحجار ومن هنا جاء الحوار مع مصممة الإكسسوارات والأحجار الكريمة الاستاذة فاطمة الزهراء
1-كلمينا عن نفسك ا.فاطمة ؟
انا مصممة اكسسوارات أحجار كريمة عاشقة للاحجار شايفة انها امكانيات وفعاليات للجسم بتساعد فى العلاج وبتعالج المود من هنا ومن حبى ليها بدأت ادرسها وأصنف الأحجار وأنواعها وأشتغل فيها وأحسها وداه اهم حاجة لأى مجال هو مش مجال دراستى انا درست أداب علم نفس ودبلومة علم نفس تربوى .
2- هل علم النفس افادة حضرتك فى مجال شغلك فى الاحجار ؟
نعم افادنى ادرس الأشخاص من خلال الحجر المناسب غير الجزء الفنى انى اصنف الحجر ويكون قطعة فنية متميزة له مختلف وحلو بيعطى ليها تميز.
3- ماذا تعنى ليكى الأحجار ؟
الأحجار روح فى تناغم بينى وبينهم بحسهم ، موهبتى أثقلتها بالممارسة والدارسة
4- ايه الحجر المناسب لكل شخصية ؟
طبعا داه يتوقف عن البرج اللى يخص كل شخصية الشهر اللى اتولد فى يعنى مثلا انا مواليد شهر 4 اللى يناسبنى حجر الالماظ فالحجر المناسب لكل شخصية يتوقف للشخص داه .
5- هل الاحجار تعكس طاقاتنا السلبية الى الايجابية ؟
ايوة وداه اهم حاجة مشتركة فى كل الاحجار اللى معانا اللى بتعكس الطاقة السلبية الى ايجابية وداه يعنى ان الطاقة السلبية عبارة عن طاقة شريرة وداه مبدائيا احنا بنى ادمين مخلوقين من طين والطين عبارة عن ذرات تراب وماء او فى المجمل من الارض الأحجار بتبقى موجودة فى الأرض وهى عبارة عن استخراجات او اشياء نادرة موجودة فى الارض فى منها بتسخرج من البراكين ومنها بتسخرج من المناجم أذا فهى توافق وجاذبية ما بين الحجر وما بين الانسان .
6- هل الحجر بيعاكس الطاقة؟
نعم انا اما البس الحجر اللى يناسبنى ويناسب البرج بتاعى فى الحالة دى الطافة السلبية بتتحول الى طاقة ايجابية فتعطى مود أفضل ونشاط اكثر .
7- هل لكل برج حجر مناسب ؟
طبعا لكل برج حجر مناسب يعنى مواليد شهر يناير يتوافق معاهم حجر الجرانيت أحمر اما البس الحجر المناسب صفاته تنطبق على صاحب البرج فمثلا مواليد هذا الشهر عندهم سمات مثل النقاء واخلاص صداقتهم نقية فهذا الحجر يدعمهم اكثر واعمق فى الصفات هذا الحجر بيعالج الرئة والقلب هو ليس معتقدات او كلام انما يوجد مراكز عالمية تستخدم الأحجار فى العلاج والطب البديل .
اما مواليد شهر فبراير بيحبوا حجر امازيت لونه موف وبنفسجى بيعالج الارق والصداع والتهاب المفاصل هذا الحجر بيعمل على اتزان وقوة وشجاعة فمثلا لو حد متردد ومذبذب بيظهر عنده صفات الشجاعة عند ارتداء الحجر بيقى عنده قوة فى انفعالاته .
اما مواليد شهر مارس يناسبهم حجر لونه ازرق هادى سماوى هذا الحجر اسمه الاكوامارين من الاحجار لونه سماوى دايما مواليد شهر مارس حالمين بيعمل الحجر على تزويد الشجاعة والصداقة هذا الحجر بيعالج الجروح والاجهاد والارهاق
اما بالنسبة حضرتك لمواليد شهر ابريل بيحب اوى الالماظ او الالماس بيحبوا دايما السليفر بيعمل قوة واتزان داخلية الالماس عمتا بيستخدم فى معظم الطب بالليزر هو فى الاساس بيقى قطعة من الالماس هى التى بتعكس الاضاءة .
اما مواليد شهر مايو الحجر المناسب ليهم حجر الزمرد الاخضر من الاحجار القيمة بيعمل على توافق واتزان داخلى .
اما مواليد شهر يونيو ويوليو بيحبوا الروبى الاحمر من الاحجار بتستخدم فى علاجات وفك السحر وهو يسمى ايضا الياقوته الحمراء حجر نفيس وقيم جدا حجر عميق وبداخله كمية من المعادن العالية .
اما مواليد شهر أغسطس الحجر المقدس هو الزبرجد الاخضر من الاحجار النفيسة وتلمعروفة عند قدماء المصريين الحجر بيزود الازدهار .
اما مواليد شهر سبتمبر أحجار الزفير الأزرق بيستخدم فى علاج السرطان والحروق .
ومواليد أكتوبر حجر الاوبال بيعطى لامعة قوية من الالماس الوانه الطيف حجر نفيس بيعمل نقاء بيعطى براءة بيزود صفات الثقة بالنفس .
ومواليد شهر نوفمبر حجر السيترين الاصفر من الاحجار المعروفة من ايام الفراعنة السيترين الاصفر مائل للون الذهبى يحتوى على اللامعان وهو بيزود الازدهار والاحساس بالثروة .
ومواليد شهر ديسمبر التوباز الازرق او الفيروز بيزود الاحساس بالثقة بالنفس .
8- ايه الاحجار اللى تمنع الحسد ؟
الحسد هو عين وحقد بيعطى طاقة سلبية فى احجار تمنع الحسد اهم حجر فيها هو حجر الفيروز وداه معروف من ايام الفراعنة يمنع الحسد فى نسبة عالية من النحاس والحديد مادتين يمنعوا الحسد وحجر العتيق ونتذكر هنا قصة الحسن والحسين العين فلقت الحجر فذكر الحسد فى القرآن الكريم ويؤمن به الكثير من الاشخاص ويرجع اصل مقولة العين فلقت الحجر الى عهد الرسول عليه الصلاة والسلام ويروى ان امرأة كانت مشهورة بالحسد جاءت الى رسول الله فخاف على حفيديه الحسن والحسين فاستبدلهما بحجر ووضع عليه
غطاء حتى لا تصبيهم عين المرأة وبالفعل دخلت المرأة ونظرت الى الغطاء وبعدما غادرت ازال الغطاء ووجدوا الحجر انفلق الى النصفين .
9- هل فى احجار تجلب الحظ ؟
هى تجلب طاقة يعنى مثلا شخصية عصبية لو لبست عقيق احمر حجر مليان طاقة شخصية متفاعلة اكثر يبقى محتاج يلبس الفيروز ، مفيش حاجة اسمها حظ فى طاقة ايجابية بتعطى طاقة اكثر يعنى لو فى اكتئاب يعطى دفعة للامام ويعطى طلة وبهجة .
10 – ازاى اعرف ان الحجر اصلى ؟
مبدائيا فى جهاز بيكشف الذبذابات لو ذبذبات عالية بيقى اصلى لو اقلل يبقى الحجر شبه اصلى انا كحد بسيط اعرف ازاى مبدائيا لو خبطت على الاسنان لو الصوت عمل صوت ازاز يبقى داه اصلى لو معمليش صوت يبقى مش اصلى دايما الاحجار مثل العقيق او الاحجار الطبيعية لو انا نظرته ليها يبقى فيها تمويج او لو لون واحد بيكون فيها نقاء عالى وفى تجربة ثانية نجيب كاشف الموبايل ونحط عليه الحجر لو نور الكشاف اخترق الحجر يبقى حجر اصلى دى اشياء بسيطة لمعرفة الحجر اصلى او درجة ثانية .
ومن هنا بشكر استاذة فاطمة الزهراء على الحوار فإذا فكل ما هو بالوجود من الخالق سبحانه وتعالى يسبح بأسمه وله روح وله طباع وكذلك هذا الحجر الكريم لو علمنا كيف نستفاد منه ونتحكم بها لأستطعنا ان نأثر على الناظر للحجر مم خلال التردات ونستفاد منها كثيرا .
