من ملفات حرب أكتوبر

معركة من معارك أكتوبر مش مشهورة رغم عظمتها إسمها معركة مضيق تيران لمجموعة من المظليين المصريين بعد 6 أكتوبر ..

المظليين المصريين كانوا في مهمة لقطع خط إمدادات علي اليهود وكان لازم يحتلوا موقع إسرائيلي بيقع علي خط مضيق جزيرة تيران لمنع الإمدادات وعملوا هبوط ليلي بالمظلات ل 60 جندي مصري وإصطادتهم رشاشات اليهود وإتبقي منهم حوالي 26 جندي فضلوا متحصنين بجبل في جنوب سيناء علي خط المضيق ووزعوا نفسهم وإتبادلوا إطلاق النار مع اليهود لحد ما إحتلوا الموقع ومات من الـ 26 الفاضلين 21 جندي وتبقي 5 بس منهم واحد مصاب إصابة خطيرة ..

ال 5 إللي فاضلين دول نصبوا كمين في الموقع لرتل دبابات إسرائيلي كان في طريقة لدعم الموقع .. الدبابات الإسرائيلية دخلت الموقع وإصطاوها ال 5 مصريين ودخلوا معاها في معركة لمدة 12 ساعة لحد ما إستشهدوا كلهم .. كل واحد من الناس دي كان بيحارب كأنه جيش لوحده عشان خاطر مضيق كام كيلو ومكانش في دماغه إتفاقية ولا حدود بحرية .. كل إللي كان في دماغه هو إزاي يكسر اليهود ..

ربنا يرحمهم ويرحمنا برحمته الواسعة .. ناس كتير أوي متعرفش الأبطال دول لذا وجب التنويه والإشارة إليهم ..تحيا مصر ..صافي الكاشف