كل سنة وانتى طيبة يامامتى

كلمات الشاعر وليد حامد الدمنهوري

كل سنة وانتي

طيبة يامامتي

يادنيتي وحبيبتي

عمرك بحنانك ماغيبتي

ياللي عيدك اغلي عيد

حبك بيجري في الوريد

وكل يوم عشقك بزيد

بتمنالك عمر سعيد

قلبي في حبك اسير

قلبك ابيض جميل

حبك في قلبي كبير

بحبك يا امي كتير

ياما ضحكتي وانتي موجوعة

عشان بس تسعديني

كانت اهاتك مش مسموعة

ومهم عندك تفرحيني

بدأتي معايا الطريق

كنتي ليا اجمل شريك

وكنت قبل مااقول الاة

بتخرجيني من اي ضيق

ربنا يخليكي ليا

يااغلي الدنيا ديا

اغلي من روحي وعنايا

يامي يامنبع الحنية

ياللي عيدك اغلي عيد

حبك بيجري في الوريد

وكل يوم عشقك بيزيد

بتمنالك عمر سعيد