…محمد العايدي….
قول كلمتك
وانت مسافر وعامل
عملتك
قول كلمتك
لما تفكر تودعني وبسهولة
بتخدعني
وجرحك ليا مقطعني
اوعى تقول هتستناني
ولا بكدبك راح تلقاني
ابعد عني وانساني وامشي
في سكتك
قول كلمتك
وانت مسافر وعامل
عملتك.
قولي كلامك الكداب طول
عمرك بياع احباب
ودهب الحب في ايدك
يصبح بعد الغدر تراب
قولي كلامك ولا تكدبشي
فوق من وهمك وما
تحلمشي
قولي كل كلمة معاك
ايه مسكتك؟
قول كلمتك
وانت مسافر وعامل
عملتك.
بعد ضياعك انا اتعلمت
وقولت ياريتني ما كنت
فهمت.
حقيقة قلبك لما عرفت
اني لعبتك.
قول كلمتك وانت مسافر
وعامل عملتك.
