يا للي رايح ياللي ماشي
بشرى حلوة وجاية لينا
رجالتنا بكل همة
عوموا تاني السفينة
***
كام بلد قالت تساعد
واحنا قلنا الف شكر
قدها وقدود يا مصري
بعد جهد وبعد صبر
**
واللي كان شامت وشاكك
ربنا خيبله ظنه
إتكسف بعد اللي شافه
وقام يصقف غصب عنه
**
شاف عزيمة وجهد عالي
من رجال قادرة وقوية
فككت غرز السفينة
بالسلامة ومية مية
**
القناة دي عرق جدودنا
وفي التاريخ مكتوبة ليهم
فاس بيضرب ارض صلبة
لانت الارض فأديهم
**
يعني لو تعثر سفينة
وهي بتعدي القنال
ألف أيد تفتح طريقها
بالعزيمة وبالرجال
**
القناة ليها فقلوبنا
ذكريات وعبور ونصر
لو تنادي راح نقولك
روحنا تفديكي يا مصري
**
محنة لكن ليها ميزة
خلت العالم يشاهد
عزم اولادنا وبلدنا
وإبن مصر وهو صامد
**
مصرنا شريان حياة
شرق غرب جنوب شمال
رابط العالم بأسره
والطريق هو القنال
**
واللي غافل عن قيمتها
شاف حقيقة وبانبهار
نبض قلب الدنيا وقّف
لما وقفت كام نهار
