عسكري شايل روحي بأيدي
شايل روحى بايدى…
عشان يا مصر تعيشى
وبهتف ف موتى اموت انا …
وتحيا بلادى ويحيا جيشى
أنا المصرى يا مصر بعمرى أفديك ..
وأكره وألعن كل اللى يعاديك
أنا الجندى اللى اتدفن …
واللى شايل عشانك كفن
مش مهم لو تفديك روحى
أو تبكى على يا أمى أو تنوحى
المهم تبقى مصر طول الزمان
كلها عزه كلها سلم وأمان
وتفضلى يا مصر رمز الكرامه
ورافعه بينا راسك ليوم القيامه
يحيا الشهيد اللى كان بيجز إرهاب
يحيا الشهيد اللى ما كش م الموت او هاب
يحيا الشهيد اللى بدمه الوطن عاش
يحيا الشهيد اللى حاش عننا ما حاش
يحيا الشهيد اللى ضحى واللى صان
يحيا الشهيد وألف لعنه على اللى خان
يحيا الشهيد اللى فدى بروحه مصر
يحيا الشهيد ف الجنه ف أحلى قصر
بقلم. دكتورمحمدعبدالتواب
رحمه الله ورحم كل شهداء الوطن وحفظ مصر وجيشها ورئيسها وترابها من كل شر وانتقم الله من كل من أراد بمصر شرا او سوءا فى كل مكان وزمان
