رسالة الي حكومتنا الرشيدة

متابعة عمرالمناعي

وسط شوارع قنا
الاسم: عم عبدالله
السن: 78 سنة
المسمي الوظيفي: عامل نظافة
عم عبدالله شغال من حوالي 43 سنة وعنده 4 ولاد وبنت.
البنت متجوزة بس للأسف جوزها متعسر زي كل الناس
ف عم عبدالله بيساعدها.. الولاد 2 شغالين ومتجوزين و 2 مش شغالين (احمد ومحمد)
عم عبدالله بيقبض ما شاء الله 600 جنية بما يعادل 37 دولار ف الشهر وده مصدر رزقه الوحيد
عم عبدالله المفروض كان يطلع معاش في ال 600 بس للأسف هو مكمل لأنه ملوش معاش ومعاشه من التأمينات في حدود من 250 ل 400 جنية
عم عبدالله بياخد 600 جنيه وبيصرف علي ولدين وزوجة وبيساعد بنته وبيشتغل وهو عنده 78 سنة
المفروض بالحسابات المنطقية واللي بتكفل للإنسان إنه يعيش بكرامة وآدمية عم عبدالله هيحتاج ياكل ويشرب هو ومراته والولدين في الشهر تقريبا ب 3000 جنيه بمتوسط للفرد 25 جنيه في اليوم بما يعادل أقل من 2 دولار في اليوم..
عم عبدالله خدم البلد دي 43 سنة من عمره بيشيل قرفنا..
لكم ان تتخيلوا مستوي معيشة عم عبدالله!!!
عم عبدالله ساكن في الريف في قرية اسمها دندرة يعني كان بييجي كل يوم حوالي 155 كيلو ياريت تحسبوها انتوا هيصرف كام مواصلات في الشهر من ال 600 جنيه.
علي لسان عم عبدالله (يعني احنا في الشتا دلوقتي عايز أجيب للعيال بلوفرات وكلاسين واجيب للبت عباية دول لوحديهم أكتر من 600 جنيه وكل حاجة غليت)
في النهاية محدش ضامن عمره فالسؤال بأه الأسرة دي ليها مين بعد ربنا وعم عبدالله ؟
عم عبدالله مات من اسبوعين وهوا في الشارع واقف بالمكنسه
وقع علي الأرض ولحد ما وصل المستشفي كان مات
اننا نناشد محافظ قنا اللواء المحترم عبد الحميد الهجان النظر لتلك الاسره