د/مايسه عبدالحي شعيب
يوجد نموذج مشرف جدا للتطوع وهي ولاء سعد متطوعة فى صندوق مكافحة و علاج الادمان و التعاطى
ولاء مثال للشخصية القوية اللى عايزة تساعد اللى حواليها
ولاء بدأت رحلتها مع العمل التطوعى من 8 سنين و السبب انها عايزة تساعد اكبر عدد من الناس علشان مايبقوش ضحية الإدمان …
ولاء قابلت حالات كتير و تعاملت معاها، لكن ولاء بتحكى إن اصعب الحالات اللى قابلتها هى حالات التعاطى و ده لان الشخص مش بيكون مدرك حجم الخطر اللى هو فى ، معتقد بما أنه مش مدمن خلاص هو فى امان ،و هما نفسهم أصحاب المقولة الشهيرة “تفاريح ” و من هنا بتكون البداية مع الإدمان و من حالات التعاطى اللى ولاء قابلتها كان طفل عنده 9 سنين و تم استخدامه كمان فى الاتجار
ولاء حاولت تساعده كتير لكنه كان رافض، و هى ماستسلمتش
و قدرت تنجح مع حالات التعاطى اللى قابلتها و ساعدتهم يتغيروا ، و قدرت كمان تساعد الطفل ده و فعلا حالته بقت افضل كتير و مستواه الدراسى ارتفع
كمان ولاء قدرت تساعد سيدات كتير من الصعيد أنهم يتلقوا العلاج تحديدا إن نسبة كبيرة من سيدات الصعيد كانوا بيخافوا فى البداية يتكلموا نظرا للعادات و التقاليد
