صورة الوالدة…! بقلم/ محمود بيومي

نفسي اشوف للوالدة صورة

من تراث بيتكوا القديم

والمايوه اصفر بكيني

ملّي بيحلّي الحريم

وحيات امك يا ابراهيم

واوعى تيجي تقول مافيش

قلّب الالبوم ودوّر

عالبلاچ ناكشة الكنيش

جنب بابا وجدو صوّر

نادية لطفي وعبحليم

وحيات امك يا ابراهيم

وان تعبت انك تلاقي

شوف كده في ألبوم حماتك

ولّا خالتك ولّا طانطك

ولا مشبك حمالاتك

شط جمصة او جليم

وحيات امك يا ابراهيم

منتا لازم تيجي حالاً

بالدليل والاثباتات

ان مامتك ليها صورة

بالمايوه في الستينات

واوعى تهرب يا لئيم

وحيات امك يا ابراهيم

ولا ناوي يا هيما ترجع

في الكلام المسخرة

تلحس البؤين بتوعك

او تزوغ وتجيب ورا

عيبة والله العظيم

وحيات امك يا ابراهيم

يا ابراهيم ستات بلدنا

من زمان ستات عفيفة

أُم ساترة وجدة طاهرة

من بيوت صالحة وشريفة

صاحبة الاصل الكريم

وحيات امك يا ابراهيم

في الصعيد الجدة كانت

لابسة بُردة أو عباية

جوا بيتها برا بيتها

لبسها حشمة ووقاية

مش مايوه يا دماغ بهيم

وحيات امك يا ابراهيم

واللي في المنوفية ساترة

واللي في الغربية برضو

كلهم ستات عفيفة

بنت راجل صاينه عرضو

راعي دينه ومستقيم

وحيات امك يا ابراهيم

والكلام اللي طرشته

من وساخة راس بتنطح

غلطة واعرة بس عادي

مالإناء عندك بينضح

فكر زور وكلام عقيم

وحيات امك يا ابراهيم

مرة تغلط في الصحابة

ومرة بتشكك في صومنا

والحجاب عندك تخلف

طب خلاص نقلع هدومنا ؟

دنتا تبقى شيطان رچيم

وحيات امك يا ابراهيم

واللي قاعد يقرا مصحف

يبقى راجعي ويبقى جاهل

بس برضوا عقولنا فاهمة

لو فضلت سنين تحاول

شعب مصر ماهوش غشيم