كلمات وأحساس /عبيرهلال محمد
دموع القلب تشكيني
لنور عيني
وتقول للنبض ليه الحزن مالينى؟
دنا للورد عطر
وعطره مالي بساتيني
يا عاشقين الحياه
ازي عشتقوها؟
مشيتوا ورا ناسها ولا خطاويها؟
ولا عملتوا ايه ياخلق دلوني ؟
ركبت قطار الحياه وبصيت من شرفته
شفت العجب وعيوني تاهت في سكته
وكل محطه الاقي ناس بتصرخ
اللي يقول مخيفه واللي يقول مميته
واللي نط ومصبرش يكمل رحلته
واللي راضي وصابر رغم كربته
ولسه القطار ماشي بكل قوته
لا همه من مات ولا مين فضل ؟!
المهم يكمل مهمته
مهو قطار حياه
لا بايده يوم ما ابتدي
ولا يقدر يقف الا بأمر الله
يارب رسينا به علي سكة النجاه
