الغربية /كريمة العماوي
كلميني يا رصاصة
لما كنتي في قلب ابني.. اتوجع؟؟
طب كان بيبكي؟؟ طب مات جدع؟؟
طب حس بيكي او اتصرع؟؟
و انتي داخله بكل قسوة تقتليه..
كنتي عارفة انك رايحة تحرميه
من حياته ومن حياتي؟؟
هوه كان اطيب ولادي..
كان يوماتي يبوس ايديه.. و يقرأ كل اللي في عنيه..
و كان بيقضي حاجاتي ليه..
كنت لما يوماتي اصلي..
ادعيله من كل قلبي..
يفضل طول حياتي سندي….
يا رصاصة.. هوه انتي حالفة تختاري الشباب؟؟؟
و بعد موتهم برضه حالفة تسكني جوه قلب الأمهات؟؟؟
كلميني يا رصاصة.. كلميني يا رصاصة
لما كنتي في قلب ابني.. اتوجع؟؟
طب كان بيبكي؟؟ طب مات جدع …!
شهداء الواحات البحرية .. رحمهم الله.
