بقلم: يوسف محمود
زي الأمل ف الحرية
زي الوشوش الخمرية
زي الفراعنة ولعنتهم
تيران وصنافير مصرية
زي المسلة ف ملكوتها
والموميا عايشة ف تابوتها
وأحمس اللي زرع قوتها
وفاز بشرف الجندية
تيران وصنافير مصرية
وزي سر قديم مدفون
في مقبرة توت عنخ آمون
وكنز مخفي ف بحر قارون
وفضلنا ع البشرية
تيران وصنافير مصرية
ف الماضي ولا ف الآتي
ف حياتي ولا ف مماتي
حكمة وشايلاها جيناتي
قبل الجواز والجنسية
تيران وصنافير مصرية
وزي دلتا .. ولا صعيد
وكل واحة بيوتها جريد
وفرع دمياط .. فرع رشيد
من الازل .. للأبدية
تيران_وصنافير_مصرية….!!
