بقلم يوسف محمود
وبدأت عمري فى مركبة والموج خفيف
والريح بتخبط في الأمل متهزهوش
الفرح نايم في الـشنط جمب الرغيف
والحزن مهما بنتوجع …مبنلقهوش
في طابور صياح المدرسة
للنور .. نشيد
والحلم دايما يترسم في الجي .. عـيد
وشموع في عتمة عمرنا كانت.. تقيد
وإن إيد ..
بتطرد ف الوجع
حتما يبوش
وطلعت شايل ضحكتي وعنيا شوق
وحاولت أضحّك دنيتي وتطلع لفوق
ضحكتلي لما حلمتها.. وقالتلي فوق
سطري اللي جالك من زمن..
مفهمتهوش
الدنيا ف بلادك هنا حلّق .. ودوس
وإزي طريقك ينفتـح من غير فلــوس
وعضام بلادك مزرعة لأجمل نفوس
والذنب مهما بيتعمل…
مبيزهقوش
