مرسومه على سطر
ومكسور سطر
والعمر بيجري زي القطر
أحلام بتطير زي العصافير
وفي وسط الخط احنا تايهين
لا أنا عارف اكون مبسوط جداً
ولا عارف اعيش دور المكسور
جوانا طموح عالي زياده
رافض للواقع كالعاده
وبنحلم ديما بنهايه
مرسومه بلون كله سعاده
وبيفضل ديما جوانا
صوت فينا بيصرخ وينادي
مش ممكن تبقى رقم عادي
واقف عندك ليه متكتف
لما أنت بتحلم إنك طير
واقف عندك ليه متكتف
لما أنت بتحلم بالتغير
قوم وأثبت يلا إنك موجود
عافر علشان تثبت صوتك
قفل يلا دفاتر الماضي
على جرح لحد اليوم مفتوح
على صرخة روح
على بنت بريئه بقلب أخضر
على رسمة حب بدون ألوان
قفل يلا دفاتر الماضي
علشان جواك مازال عطشان
محتاج للحب يكمل بيه
في طريق كان ديما يحلم بيه
إنه بينزل من سما عليا
ويفجر حب في كل مكان
كان ديما يسأل ويفكر
من فين كل القوة دي تيجي
كان ديما يسهر ويفكر
ايه سر الحب في تكوينه
كان ديما شايف
إن الحب دا حاجه جنان
وسحاب ألوان
بيمطر على كل قلوبنا
بنغم ألحان أو دفي وحنان
