النجم اللي مش مشهور 

انا الحلو اللي

مش أمور 
انا النجم اللي
مش مشهور
انا الحب اللي
بقى ضايع
وسابلي القلب اهو
مكسور
انا اللقمة انا
الفتافيت
وخبطوني بحلمي في
حيط
ورسموني كما الشخابيط
وقتلوا كل مافيا
انا الصعب اللي ف الإمكان
ومتلخبط في كل مكان
منتشر عبر الأزمان
لولاكش بس الحرامية
انا المعنى اللي مش
واضح.
انا الطير اللي مش جارح
والخيال اللي بقى
سارح.
في خطف أغلى ما
ليا
انا الدايرة اللي مش
متدور
ومستني يصيبني
الدور
انا السر اللي مش
مستور.
انا الحلو اللي مش
أمور.
….