احزان ضعيف بقلمي / لطفي علي حسن

لساني مربوط وهمومي بالكوم

انا إللي بين الناس محروم

أخواتي في الفرح إسمهم مكتوب

وأنا إللي في الجرح بإسمي وجسمي معلوم

انا المصري وانا إللي كلي هموم

في بلادي بتهان والجوع بيقتلني

وفي بلاد أخواتي بتهان ومفيش قانون إلا وكان ظالمني

لا ليه حق في بلادي ولا حتي كرامة

وهتيجي منين الكرامة ولقمتي متهانة

وعدوني بالجنة والجنة مش لينا

ومن متي جنتك يابلادي شفناها

جنتك نعرفها بس في وسط حكاوينا

وأهو كله بيعدي والفرح مش لينا

صرخت بأعلي صوت

يا أمي ولادك من جوعها بتموت

لو كان ده منك عقاب انا هقبلة وهموت

وافتكري بعد موتي صوتي الي كان ديما بينشدلك اناشيده

وجسمي الي فترابك حطتية ياما شاف قساوه منك

ووقت الحروب ينسي الجراح وعلشانك يسيل دمه

ظلمتيني انتي او ظلمي كان بايد غيرك

انا برده ابنك ومصيري تربتي تكون في ترابك وتحت خيرك