قصيدة / خالد الترامسي
أنا المجنون أنا العاشق تراب أرضك
أنا الملهوف لِطِيفْ من ضوء مصابيحك
أنا المحروم لعطفة من ترابيتك
بقالي سنين وكلي حنين لنور عينك
لكن مظلوم في وسط هموم زنازينك
أنا المجنون حزين مهموم
يقولوا عبيط يا عيب الشوم
لكني ما احب اكون مظلوم
وديما أملي قدامي
وشايل كل أحزاني
وبامسح دمعتي بإيدي
تقيل علي نفسي مش غيري
وديما حاطت لنفسي حدود
وان الدنيا داقت بيا
راح اصبر لاجل ما تعدي لَيالِيا
أنا المنصوب وأنا المجرور
وأنا المذلول وجسمي خر
وأنا الراكع وأنا الساجد
وشاكر نعمة الواحد
أنا المجنون لِكون مزروع هنا وسرور
وبحلم أعيش حياة مستور
وانا الحيران في دنيا الله
وانا الزهقان من العتمة
وانا القرفان من الوحشة
لكني برضوا بعشقها
وواخد عهد نصرتها
وحافظ طهر رايتها
وأفديها بنور عيني
ولو طلبت تروح روحي
ألبي وفرحتي ف قلبي
دي هي النور وعشق سنين
وتفضل راية مرفوعة ليوم الدين
