متابعة نسرين يسرى
ضد ما يعانيه المصريون من استغلال شركات الأنترنت وتقديم سرعة ضعيفة مقارنة بما يدفعونه وبما أن واقفين تحت سيطرة مافيا الانترنت وأى نصابين يمصوا دم الشعب ، جاء شكوى من الاستاذ محمود الهوارى وقال النهاردة روحت علشان ادفع فاتورة النت فى شركة دى داتا قالولى لازم تدفع القيمة المضافة اللى هى بيقولو عليها فى اعلانات حمدى المرغنى (الفي سوو) وقيمتها 14% يعنى زيادة 20 ج
روحت قولتلهم طيب ليه وازاى وامتى وعلشان ايه؟ قالولى منعرفش قولتلهم طيب هاخد بيها ايه ؟هل خدمة ولا باقة ولا حتى باكو بسكوت قالولى مافيش ، قومت دفعت زاى الظابط ومشيت وحلفن انى مش هاسكت تانى اكترمن كده
وهاعمل محضر فى القسم وهاوصلها ان شاءلله تبقا قضية راى عام ماهو اصلى مينفعش ننام ونصحى نلاقى حاجة بتغلى ومنعرفش اسببها ايه؟ واظن ده ابسط حقوقى اعرف الزيادة دى ايه وليه ورايحة لمين وعلشان ايه ؟وهل هايعطونى بيها خدمة ولا زاى اى حاجة بتغلى كده وخلاص فى مصر ، وهذه الشكوى والاستغاثة لرد حقه بما يعتبر حق الشكوى من الحقوق التى كفلها الدستور المصرى للمواطنين كما تختص هيئة الرقابة الإدارية بتلقى وبحث الشكاوى التى يقدمها المواطنون عن مخالفة القوانين أو الإهمال فى أداء واجبات الوظيفة .
