التدخين هو السبب الرئيسي لسرطان الرئة

1- نوع التدخين :

التدخين سواء تدخين السجائر أو الشيشة يتسبب في سرطان الرئة .. دخان السجاير أو الشيشة بيحتوي علي 94مادة مسرطنة .. تخيلو 94 مادة تسبب السرطان هى موجودة في دخان السيجارة او حجر الشيشة … لكن ما الفارق بينهما .. الفارق هو في الأجابة علي هذا السؤال : حجر الشيشة الواحد بيساوي كم سيجارة ؟؟ . بعض الأبحاث بتقول إن حجر الشيشة الواحد بيساوي 20 سيجارة يعني علبة سجاير كاملة .. والبعض الأخر يقول بأن حجر الشيشة الواحد بيساوي سيجارة واحدة ….
الشيشة بتبقي موجودة ف البيت او القهوة وبالتالي فهي مش متاحة بنفس الدرجة بتاع السجاير اللي موجودة دايما في جيوبنا …
الشيشة تساعد علي حدوث أمراض أخري بالرئة زي الإمفزيما ( إنتفاخ الرئتين ) ومرض السل او التدرن الرئوي …

2 – كمية التدخين :

اكيد اللي بيشرب 10 سجاير في اليوم مش زي اللي بيشرب 30او 40 سيجارة … واللي بيشرب من 10 سنين اكيد مش زي اللي بيشرب من 30 او40 سنة …
عايز اقول إن حدوث سرطان الرئة بيتوقف علي عدد السجاير اللي بنشربها يوميا وعلي طول فترة التدخين … الخطورة تبدأ من تدخين 20 سيجارة يوميا لمدة 20 سنة او اكثر او تدخين 40 سيجارة يوميا لمدة 10 سنوات او اكثر ..

3 – وجود فلتر من عدمه :

تخيلو فلتر السيجارة ده بيقلل من حدوث سرطان الرئة 20 مرة أقل من حالة عدم وجوده … يعني لو مش قادر تبطل السجاير يبقي حاول تشربها بفلتر واختار أفضل أنواع الفلتر بقدر الأمكان .. الفلتر بيمنع دخول معظم الشوائب المسرطنة إلي الرئة …

— أسباب أخري مسئولة عن حدوث أقل من 10 % من حالات سرطان الرئة وهي:

١ – تلوث الهواء ( air pollution ) وخاصة عوادم السيارات وأيضا في المنازل وخاصة في الريف (إشعال النار لأغراض التدفئة في الشتاء وأستخدام الفرن البلدي بتاع زمان ) وده هو المسئول عن حدوث سرطان الرئة عند النساء ( الغير مدخنات ).

٢ – التعرض للمواد المشعة كاليورانيوم والكادميوم في دول المفاعلات النووية .

٣ – الصناعات التي تستخدم فيها ألياف الأسبيستوس كصناعة السفن والطائرات وغيرها … علما بأن الأسبيستوس هو المسبب الرئيسي لسرطان الغشاء البللوري المحيط بالرئة .