محمد العايدي
عرضت حبي عليكي
وقلتي مش رفضاني
وافقتي تحبيني والحب
يكون وطن تاني .
دلوقتي ليه مترددة ؟
عايشة خايفة حايسة
متشتتة !
الحب بيعلمنا نواجه
مانخافش
نقوي بيه مش عليه نقوم
نحل ولا نهربش الحب زي
كلمة لازم لما يكون معناها
نقوم زي كلمة نقدر ع العجز
علي الهموم , الحب قادر
يلم مشاعرنا المتفتتة بلاش
حبنا يضعف قوتك يتسبب
في شكوتك الحب مابيضعفش
بلاش تقولي الحب مشتتك الحب
مابيشتتش .
الحب يعني نحاول منغير مانخاف
نفشل الحب مابيفشلش .
ضميري واجعني عشانك
حاسس بإني السبب فأوجاعك
ف أحزانك وبتطلبي مني إني
أسكت ماتكلمش .
أسف طولت عليكي ماهو
من عشمي فيكي أكون أسير
لحبك أكون أسير لعينيكي
ومهمة أضحي عشانك مش
خسارة في حنانك مش خسارة
فيكي .
مش خسارة أغير من نفسي
وأكون إنسان تاني
طول مانتي معايا بقلبك بتحاربي
في سبيل حبك
هكون واثق ساعتها من
إنك مش رفضاني .
هايكون حضنك ياعمري
بمثابة وطن تاني وطن تاني
