قصيدة “التنمر” لشاعر
هريدي ابوعيطة
……………………….
كلنا بشر والخالق واحد.
فماتبقاش بكلامك جاحد
ماليش اي تدخل في تكويني
شكلي نوعي حجمي لوني
فبلاش بكلامكم تجرحوني
ببان الرحمة في قلوبكم تسكروها
فاتمنعوني
الله يكون في عوني
مايعبنيش شكلي ودي رجلي
بعرج عليها
ودي ايدي بترتعش مش عارف امسك حاجة بيها
دي حاجة بيضة في وشي من
عيونكم بحاول اخفيها
ودا كرسي قاعد عليه ما انا مش
عارف امشي
ودي عين غير عيني
ودا رمش غير رمشي
ودي حاجات كتير في جسمي
بتنادوني بيها مكان اسمي
يااسمر يااحمر يااعمى ياعاجز
ياقصير ياتخين يارفيع
يا…………….
يااخي خليك مع ضميرك صادق
انت بتعيبني انا ولا بتعيب الخالق
انت مخلوق وانا مخلوق والكمال لله
والايام دواره ودي سنة الحياه
بكرة ممكن يجيلك مرض فاسمع
منك كلمة اااه
فكفايه يااخي تنمر انتباااااااه
