كلمات وليد الدمنهورى
نفسي اطلع للسما
وارفرف واطير
لاكن مش عارف انما
محبوس بقالي كتير
انا عصفور محبوس
عصفور مش حر
لا حرامي ولا جاسوس
ولا بنفع ولا بضر
حبسني بني الانسان
وحرمني من الحرية
حرمني من الامان
وعيشني في العبودية
حبسني من زمان
عاملني بطريقة غبية
وفي يوم عصفورتي ماتت
وحزنت كتير عليها
مش ناسي ايامنا اللي فاتت
ومش عارف اعيش غير بيها
ودلوقتي بقيت مريض
وهو لسة سجني
وبغباءة عنيد
راحت زوجتي اللي مني
خلقني رب البرية
عشان اعيش طليق
ودي اجمل هدية
وهو عايشني في ضيق
ومعاملتة كانت ازية
انت ليا مش صديق
