بقلم الأستاذة الجامعية بايطاليا سارة يعقوبي
متابعة :لسعد الحرزي مدير مكتب تونس
ولادوبنات تونس لعزيزة والعايشين بالمهجر في جميع ربوع العالم ربي يوفقكم ويمدكم بالصحة والسلامة رسالتي ليكم وبللغة العامية بلهجتنا التونسية كيف ما فرحنا منتخبنا الوطني البارح بترشحو للربع النهاييء لمتنا الكورة و فرحونا ولادنا، فرحنا كي شفنا علم بلادنا ايرفرف، زادة ما تكمل فرحتنا الا ما نشوفوا تونس مزدهرة كلامي قليل اما فيه برشا خير، لانو نصيحتي من أجل الغالية ولعزيزة تونسنا وميمتنا الكل
حب الوطن من الإيمان، وتونس تلمنا الكل في الأفراح والمسرات وحتى في العثرات كلامي قياس لبرشا ناس
تو العطلة الصيفية! ويلزم نروحوا لتونس الخضراء. فالعطلة الصيفية مقدسة عنّا. زيارة لحباب و الأقارب الصيف والتفرهيد اما مطلوب جهد صغير وحب كبير لأغلى بلاد، يقول القليل كيفاش مفهمناش. ساهل برشا
كي توصل للديوانة بالف خير وسلامة باش تفرح العايلة وتزور لحباب والأصحاب تذكر تفرح تونس و تصرح بالعملة الأجنبية الي جبتها معاك ماتنساش ومن بعد تصرفها في البنك. وفي البنك فقط ميسالش اتحمل شويا انتظار فياي مطار من مطرات التراب التونسي والا في الميناء كلو يهون من أجل أغلى عيون تونس، اما بربي الفلوس ما تصرفوهاش في السوق السوداء و الا عند المعارف و الأصحاب الاحباب الي حاجتوا يصرفلك لانو ، ربح دينارين زايدين ما يغنيوش وما متعوكش نهارين زايدين في عطلتك، حبك لتونس اكبر متعة وانت أكثر واحد تحس بيها لأنك عايش بعيد عليها،
لهذا تصرح بالعملة في الديوانة ومن بعد تصرفها في البنك،
عملية حسابية بسيطة:
على الأقل باش يرجع لتونس 600الف مواطن تونسي مقيمين بالخارج. كل مواطن على الأقل جايب ألفين يورو:
هذا مليار و ميتين يورو، يا ولاد بلادي ، مليار وميتين يورو!
وتعرفوا مليار وميتين يورو تدخل خزينة البنك المركزي آش معناها؟
معناها تونس تكون قادرة لتغطية وارداتها بالعملة الصعبة أكثر من عام كامل بدون أي مداخيل أخرى!
عاونوا البلاد بحركة بسيطة اما عظيمةوعميقة مليانة حب وخير ونبل المشاعر .
صرف العملة خارج الإطار القانوني، يساهم في الانحراف والإرهاب وغسيل الأموال وتجارة الاسلحة و المخدرات احميو البلاد والشباب و الاقتصاد والسياحة
، يلزمناالكلنا نوصلوا الميساج على صفحتنا ونوزعوه على أحبابنا و أصحابنا . وحتى كان لزم نوزعوه في مطار آتنا وميناءاتنا،
عطلة سعيدة للجميع. ربي يقدرنا على حماية بلادنا وازدهار اقتصاد ها
حلفتكم بالله وباعز ما عندكم اصرفوا فلوسكم في البنك تونس مستحقتنا الكل.
تونس في القلب
