متابعة/ أميرة عبدالغفار
(مرار بالفشل وفرحة بالنجاح)
للشاعر أحمد سنبل إبن مركز ومدينة سيدي سالم بمحافظة كفرالشيخ
ذقت مرارة الفشل
ومش عايزك تكون مكانى
اسعى يابن ءادم وبلاش كسل
مش عايزك تذوق مرارى
هدفى قدامى وشايفه
بيناديلى ويقولى تعالى
ان كان من الصعب اوصله
لاكن مش من المستحيل معايا
وبقولك وانت لسه ف البدايه
اسعى يابن ءادم وابقى حاجه
قبل ماتيجى عليك النهايه
وانت لسه ولا حاجه
مهما حصل مش هسلم
ومن غلطى ياناس بتعلم
عندى ارادة قويه
انى اوصل واكمل
والكل يتباهى بيا ويتكلم
الضربة اللى مابتكسرنيش بتقوينى
والخطوة اللى بخطيها بتعدينى
وهدفى قدام منى بينادينى
والرب وحده شاكي له حالى
وهو اللى عالم مافى بالى
قال اسعى ياعبدى وعمرى
ماهضيعلك تعب
سهرت على الكتاب ليالي
صدق اللى : قال من جد وجد
ومن زرع حصد
اصل النجاح ثمنه غالى
واللى فاكر ان النجاح رخيص يبقى غلطان
هيفضل طول عمره تعبان
واخرتها هو الندمان
ولا باله ف يوم هيرتاح
وفى النهايه بقول
يارب النجاح وعلي الكفاح
فيارب لينا النجاح وعلينا احنا الكفاح
