الدكتور محمد كمال النحاس يخاطب مرضى السكري 

نتكلم عن سكرى2 الآن

مطلوب من حضرتك أولا تفهم إيه المشكلة الجديدة علينا الآن

مشكلتنا فى التعامل مع الجلوكوز
زمان قبل السكر
كان الانسولين يتم إفرازه بشكل جيد و كافى من البنكرياس
و لما يصل لمكان عمله عند الخلايا
مفيش مشكلة أمامه

الآن
أصبح هناك مقاومة لعمل الانسولين فى مقر و مكان عمله
ده معناه ان البنكرياس مازال يفرز انسولين بشكل كافى و كمية الأنسولين حتى لو قلت فهى كافية إلى حد ما فى التعامل مع الجلوكوز لو قليل او كميته محدودة

إذن بالعقل و المنطق أن يكون العلاج هو تسهيل عمل الأنسولين و تقليل المقاومة

طيب ليه

عشان أحقق الهدف بتاعى
اللى هو الابتعاد عن المضاعفات

طيب و المضاعفات تحدث امتى

تبدا فوق تراكمى 6 و تكون بسيطة جدا و مفيش قلق كبير منها طالما تحت ال 7
فوق ال 7 تبدأ مشاكل بسيطةو تزيد عند 8 و تشتد عند 9 و ما فوق

يبقى هدفى هو تحت ال 6
لو حققته يبقى كويس جدا جدا جدا جدا جدا جدا
حققت تحت ال 7 يبقى كويس و تسعى ل تحت ال 6

احققه ازاى؟ ؟؟
خطوة أولى و لا خلاف عليها و مكملة معايا لآخر لحظة

نظام غذائي صحي و بعيد عن النشويات ( مصدر الجلوكوز اللى هو أساس المشكلة )

لو وصلت ل الهدف

أكمل و أتابع

الأرقام مش كويسة مع النظام الغذائي و الحركة

ازود أقراص الميتفورمين مثل الجلوكوفاج و السيدوفاج

طبعا فى كل خطوة

لازم متابعة القياس دوريا