حلقة من حلقات مصطبة الفيس بوك (رسالة قوية)

●بقولك إيه قبل ماتفكر تأذى حد فكر إنك ممكن فى لحظة حياتك تنتهى وهتقابل ربنا وهتتحاسب على كل ذنب عملته فى حياتك وشوف بقه الظلم حكايته إيه لوحده فالظلم ظلمات يوم القيامة ياترى الكلام ده هيأثر عليك طبعا لما تقرأه غرورك وعنادك مع نفسك هيتغلبوا عليك والشيطان هيضحك عليك زى ما هو على طول ضاحك عليك .

●طيب خلينا نشوف حاجه غير الموت يمكن ربنا كتبلك اليوم ده بعيد شوية ..
طيب شوف انت لما تظلم حد وتقف فى طريقه وتقطع عيشه وتأذيه شوف نتيجة ده عملت إيه إنت كده مش بتأذى فرد واحد بس إنت بتأذى عائله بالكامل الله أعلم بيهم يمكن تكون الحسنه دى هما متعلقين بيها شوف بقه غضب ربنا هيبقى عليك إزاى لما أنت تكون سبب زوال الحسنه دى وتكون سبب تشرد عائلة بالكامل أو يمكن يكون فيها مريض ومحتاج علاج ومن خلال الحسنة دى بيقدر يكمل علاجه أو يمكن طفل محتاج غذاء علشان يعيش أو طالب محتاج علشان يكمل دراسته فبفعلك ده ممكن تدمر كل هذا ويا ويلك من كلمة حسبي الله ونعم الوكيل..

طيب فكرت إنك لما تنكد على حد وتكون سبب حزنه إنك ممكن فى نفس الوقت يحصلك نفس الشيئ بل أكثر بكثير.

طيب فكرت فى أولادك وأهل بيتك مصيرهم إيه لما ربنا سبحانه وتعالى يعاقبك على ظلم الناس وإفتراءك عليهم .

طيب فكرت إنك لما تحصل على منصب وتدوس على الناس إيه اللى ممكن يحصل لك بسبب جبروتك أكيد إنت عارف أن ربك لبالمرصاد وقادر إنه يخليك تعيش مذلول وتصبح أنت تحت الأقدام .

طيب إنت فاكر لما تجامل وتنافق هيكون ده الحل بالعكس إنت بتقلل من قيمة نفسك حتى ولو كنت كبير العمر وحتى لو كنت فى أعلى المناصب فاعلم أنك إذا إتبعت النفاق فستنال نفس الشيئ وإذا تحدثت من خلف أى إنسان تأكد أنك سوف تنال نفس الشيئ وإذا أساءت لأحد أيضا ستنال نفس الشيئ فكما تدين تدان.

طيب فكرت إزاى هتقضى بقيت عمرك وأنت ضميرك بيأنبك علشان ظلمت وأفتريت على الناس.

طيب يا أخى مش خايف على نفسك خاف على ءولادك ولا انت مش بنى آدم أصلا ومش بتحس حتى بأولادك.

طيب خاف من ربنا وبلاش الرشاوى وبلاش قلة الضمير ده الراش والمرتشي فى النار كما قال سيدنا محمد صلى الله عليه وسلم ….ولا أنت كمان فقدت الحاسه الايمانية وأشركت بقول الله وقول سيدنا محمد صلى الله عليه وسلم.

خلى بالك فرعون بجبروته ربنا سبحانه وتعالى خسف به الأرض فما بالك أنت وماذا لو إستمريت بهذا الظلم والإفتراء والنميمه وقلة الضمير .

كلمة أخيرة .
إوعى تفتكر إن إبتسامة الناس لك حب بالعكس دى كلها من وراء الستار ولا يعلم نواياهم وما بداخلهم سوى الله وإذا حاولت أن تعرف مايقولون أنظر إليهم بعد إنقضاء حواجئهم الذين يحصلون عليها من خلالك فستجدهم منافقين بالنسبة لك فانت السبب لأنك زرعت بداخلهم هذا النفاق مع معاملتك معهم ومع الآخريين…
وأنتهت الرسالة ونتمنى من الله الهدايا للجميع والعودة إلى عقولهم والتمسك بكتاب الله وما أمرنا الله به.